CHANGAMOTO KWA AFYA KISAIKOLOJIA

Licha ya juhudi zao nzuri ya kuwa chanya na imara, watu wengi wana kiwango kidogo kuliko kile kiwango cha chini cha afya ya kisaikolojia.  Kuna baadhi ya mijadala kuhusu ni kwa kiasi gani watu wanatawala afya ya kisaikolojia.  Makubaliano ya jumla ni kwamba mambo mawili, asili na malezi, yanaathiri afya ya kisaikolojia, lakini kuna maoni tofauti juu ya kiasi gani kila moja inachangia katika ukuaji wetu wa kisaikolojia.  Asili inahusu mambo ya asili tuliyozaliwa nayo pamoja na vile vinasaba ndivyo vinavyoamua kiwango chetu cha afya ya kisaikolojia.  Malezi ni athari ambayo mazingira, watu, na mambo ya nje yanayo juu ya afya yetu ya kisaokolojia.

  Wote tunawajua baadhi ya watu ambao wanachachawika sana au wana wasiwasi kwa asili, na wengine ambao ni wachangamfu kwa asili.  Tunaonekana tukizaliwa na mtazamo kuelekea kwenye afya fulani ya kisaikolojia, ambayo mara nyingi inafanana na wazazi wetu.  “Yuko makini kama baba yake” au “Anachekesha kama mama yake” ni maneno watu wanayoweza kudokeza kuhusu muunganiko huu wa vinasaba.  Mambo ya kimazingira kama vile mahusiano ya kijamii, maelewano ya familia, rasilimali fedha, kazi na mawazo ya kitaaluma, hali zinazoleta msongo au matukio na hata hali ya hewa inaweza kuathiri kiwango chako cha kisaikolojia.