KULA PILIPILI HOHO UONGEZE NA KULINDA UWEZO WAKO WA KUONA

Wengi hutumia pilipili hoho kwenye mapishi ya aina mbalimbali bila kufahamu wingi wa vitamin zilizomo pamoja na uwezo wake kuboresha mifumo mbalimbali ya mwili.

Pilipili za rangi ya njano zinaongoza kwa wingi wa virutubisho vya zeaxanthin zikifuatiwa na mahindi.  Hata hivyo, pilipili hoho au sweet pepper zina uwezo wa kuongeza kinga ya mwili pamoja na kupambana na magonjwa ya saratani, moyo hukusaidia kuboresha uwezo wa macho kuona vizuri.

Matumizi yake yanahusisha kiungo cha mboga au sehemu muhimu ya kachumbari na kutengeneza juisi ambayo husaidia kutoa takamwili, yanairuhusu itumike wakati wowote na kumfurahisha mlaji.

Hoho hupatikana katika muonekano wa rangi tofauti ambazo ni rangi nyekundu, kijani, urujuani na njano na inatajwa kuwa ni mboga yenye vitamin zaidi ya 30.

Miongoni mwa faida zilizopo katika hoho ni uwezo wake wa kutibu muwasho wa vidonda vya kooni, kutoa damu puani na kuimarisha kinga ya mwili kutokana na wingi wa vitamin C iliyonayo.  Hoho husaidia watu wenye shida katika mfumo wa upumuaji kutokana na kuwa na vitamin C nyingi, hukinga dhidi ya magonjwa ya saratani ya kibofu cha mkojo na ugonjwa wa baridi yabisi.

Husaidia kupunguza uzito, kuboresha mzunguko wa damu na kupunguza lehemu mwilini kutokana na kiwango kidogo cha kalori ilichonacho pamoja na kuzuia shinikizo la damu na kutibu anemia.

Hutibu kuhara, ugonjwa wa homa ya manjano, hurekebisha presha ya kupanda na husaidia mfumo wa mmeng’enyo wa chakula kufanya kazi vizuri.  Kwa wanaosumbuliwa na gesi tumboni wanashauriwa kutengeneza juisi ya pilipili hoho wakichanganya na spinachi kumaliza tatizo hilo.

Zipo pilipili hoho zenye rangi ya njano ambazo zikitumika katika mapishi ni mboga yenye faida nyingi kiafya.  Zinauwezo wa kuboresha mifumo mbalimbali mwilini zikiwa na wingi wa zeaxanthin kuliko mboga nyingine.  Hata hivyo, watalaam wa masuala ya afya wanasema hoho rangi ya njano ni chanzo kizuri cha virutubisho aina ya lutein na zeaxanthin ambazo huzuia matatizo ya mtoto wa jicho na udhaifu wa misuli.

Pilipili hoho za rangi nyekundu inabaki ina kirutubisho cha lycopene ambacho hupunguza hatari ya saratani mbalimbali.