TENDE HUSAIDIA KUTIBU MENO YAKO

Wakati ulaji wa vitu vyenye sukari kwa wingi ni hatari kwa afya ikiwamo kuoza meno, lakini kwa tende ni tofauti kwa sababu tunda hili huzuia uozaji wa meno.

Na hii ni kutokana tunda hili kusheheni vitamin na madini mbalimbali yakiwamo ya chuma na nyuzinyuzi ambazo husaidia mmeng’enyo wa chakula ambao husaidia kufikisha gastrointestinal system na kuupa mwili nguvu.  Ukila tende, mwili utapata nguvu na kukuondolea uchovu ndani ya nusu saa tu, kwa sababu tende ina virutubusho vya sukari asilia kama vile ‘glucose’, ‘sucrose’ na ‘fructose’, ambayo husaidia kupata faida zaidi.

Tende imesheheni protini na vitamin B1, B2, B3, B5, A1, na C, virutubisho ambavyo ni muhimu kwa ustawi wa afya ya mwili, ndiyo maana kwa wale wanaofunga saumu, inashauriwa kuanza kufungua kwa kula tende ili kuurejeshea mwili wako nguvu iliyopotea siku nzima.

Hata hivyo, ulaji wa tende mara kwa mara huufanya mwili wako upate aina mbalimbali za madini na vitamin za kutosha, zinazopatikana kwenye tende kwani ina kiasi kidogo cha mafuta na haina lehemu.

Watafiti wamegundua kuwa ulaji wa kiasi wa potasiam husaidia kumuepusha mtu na kupatwa na kiharusi, lakini tunda hilo husaidia kupunguza lehemu huku likiwa na madini aina ya potasiam na kiasi kidogo cha chumvi, madini hayo husaidia uimarishaji wa mishipa ya fahamu.  Tende huimarisha na kuboresha mfumo wa usagaji chakula tumboni, hivyo, ulaji wa tunda utakusaidia kuondokana na matatizo ya ukosefu wa choo au kupata kigumu kinachosababisha maumivu wakati wa kujisaidia, lakini ndani ya tende kuna virutubisho vya amino acid ambavyo ni muhimu mwilini.  Kwa watu wenye ugonjwa wa anemia, wanaweza kupata ahueni kwa kula tende kwa wingi ambayo ina kiwango cha kutosha cha madini ya chuma ambayo huhitajika katika utengenezaji wa damu mwilini.

Kwa watu wenye tatizo sugu la ukosefu wa choo, loweka tende za kutosha kwenye maji kiasi cha lita moja usiku kucha, kisha asubuhi changanya maji hayo pamoja na hizo tende ili upate juisi nzito, kunywa na choo kitafunguka na kuwa laini.

Hata hivyo, wataalamu wa masuala ya lishe wanashauri kuwa unapojisikia mchovu, badala ya kunywa vinywaji baridi vinavyodaiwa kuongeza nguvu, kula tende, hata kiasi cha punje tatu kinatosha.

Kwa wale wenye matatizo ya wembamba wa kupindukia na wanataka kuongeza uzito, ulaji wa tende kila siku unaweza kuwasaidia.