SHINIKIZO LA CHINI LA DAMU (LOW BLOOD PRESSURE)

Watu wengi wanafahamu madhara ya shinikizo kubwa la damu na jinsi ya kukabiliana na tatizo hili pindi linapowakumba lakini pia ni vema kufahamu kwamba shinikizo dogo la damu nalo lina hatari sawa.

Pindi shinikizo la damu linapokuwa chini ya kiwango halisi cha 120/80 huchukuliwa kama shinikizo dogo la damu katika mwili wa mwanadamu.

Tatizo hili hutokana na msukumo mdogo wa oksijeni kupitia kwenye damu kwenda katika moyo na ubongo.  Matokeo yake mwili hushindwa kufanya kazi kwa ufasaha na kupoteza nguvu.

Dalili za Shinikizo Dogo la Damu

Hakuna dalili za moja kwa moja kwa tatizo la shinikizo dogo la damu katika mwili wa mwanadamu kwani wahanga wengi wa ugonjwa huu wamekuwa hawaoneshi ishara kama ilivyo kwa magonjwa mengine.  Lakini kitaalamu yapo mambo kadhaa ambayo yanaashiria uwezekano wa mtu kuwa na tatizo la shinikizo dogo la damu kama ifuatavyo:

·         Mabadiliko kwenye mapigo ya moyo.

·         Macho kubadilika rangi.

·         Kuhisi kiu muda mwingi

·         Ngozi kubadilika rangi

·         Kupoteza fahamu

·         Kushindwa kuvuta hewa vizuri

·         Kuhisi homa

·         Umakini mdogo

Visababishi vya Msukumo Mdogo wa Damu

Tafiti za wataalamu wa masuala ya afya zinafafanua kwamba tatizo la ugonjwa wa shinikizo dogo la damu hutokana na sababu zifuatazo kwa mwanadamu:

·         Baadhi ya madawa:  Kuna baadhi ya madawa yanayotumiwa na wanadamu huchochea matatizo ya msukumo mdogo wa damu mfano diuretics ambazo hutumika kutibu tatizo la shinikizo kubwa la damu, madawa ya kutibu matatizo ya moyo kama beta blockers na angiotensin yanaweza kusababisha tatizo hili.

·         Matatizo ya Moyo:  Matatizo ya moyo wakati mwingine nayo husababisha uwepo wa msukumo mdogo wa damu mwilini baada ya kushindwa kusukuma damu ipasavyo kuelekea sehemu zingine za mwili.

·         Kupungukiwa damu

·         Baadhi ya maambukizi na Matatizo ya mzio

Soma pia TIBA YA ASILI YA MSUKUMO MDOGO WA DAMU